عايز تتجوز؟؟؟ ادخل وشوف

ده موضوع قرأته وعجبني اوي وقلت لازم أجيبهولكم تشوفوه
عشان تعرفو ازاي مصر بتتقدم
(((مراحل الزواج في مصر عبر العصور)))


مصر الفرعونيه

بابا انا عايز اتجوز اختى حت حور
خلاص يا ابنى خليها تنقل حاجتها فى قوضتك.. وابقى هاتلها حجرين صوان
هدية.. مبروك يا تاح


مصر فى عصر الرومان
تتجوزينى يا افروديت
اتجوزك يا بانسيلوس
يللا بينا نبنى كوخ ع البحر ونعيش هناك
يللا





مصر بعد الفتح الاسلامى
ولدى خالد يا شيخ احمد بيريد يتجوز ابنتك البكر الكريمة.. وبيبنى
خيمة.. ويقدم مهر بعير
والله خالد ولدك زين الرجال .. وايش اتمنى غير رجل صالح يكون زوج
لبنتى .. وكما قال رسول الله صلى الله عليه وسلم ' ان جاءكم من ترضون
دينه وخلقه فزوجوه ' .... قيموا الافراح




مصر 1919
انت ح تتجوز بنت الحاج عبد الجليل .. انا كلمته خلاص ووافق .. وضب
قوضتك وهات خلخال .. فرحك يوم الخميس اللى جاى
طب مش اشوفها الاول يابا
انت اتجننت يا ولد تشوفها ده ايه .. انت ح تتجوز والا تخبص
حاضر يابا




مصر 1960
بقى يا ستى بنتك آمال جالها عريس
ياألف نهار ابيض يا ألف نهار مبروك
جدع طيب وابن حلال موظف فى الحقانية .. وماهيته مش بطالة .. اهو
يبنوا حياتهم سوا بعد الجواز.. والا ايه رأيك يا أم العروسة؟
الرأى رأيك يا أبو العروسة .. والله العيال ح يعجزونا يا ابو محمد
فشر .. تدبل الوردة وريحتها فيها يا نرجوستى




مصر فى عصر الانفتاح
اخرسى يا بنت... انا اللى يتجوز بنتى لازم يكون عنده شقة تمليك
وعربية وسوبر ماركو
بس يا ماما
ما فيش بس.. انا وابوكى قبل ما يموت فى الحرب كانت بتعدى علينا ايام
ما بنلاقيش ناكل.. انا يا بنتى مش عايزاكى تتعذبى زى ما احنا
اتعذبنا.. انتى ح تتجوزى فتحى ابن خالتك
بس انا مش بحبه يا ماما
الحب ما بيأكلش تونة فى الزمن ده يا فالحة
امرك يا ماما




مصر 2009
البنت: بابا ريكو حييجى يقابلك بكره وهو راجع من المول مع ديدى
متتكلمش معاه فى اى ماديات من فضلك انا بشترى راجل واحنا معانا كتير
وبعدين الكلام فى المهر والعفش والقايمه والفرح ده موضه قديمه
وحاجات بلدى ياى
انا اتفقت معاه على كل حاجه والفرح فى كافيه ماريانو فى المعادى
على الضيق كده وانا جيت اعزمك انت ومامى
الاب: مبروك يا حبيبتى



2010

البنت بعد التخرج من الجامعة قالت لأمها :

الولد اللى اتجوزتة فى سنة أولى جامعة كان بتاع بنات

واللى اتجوزتة فى سنة تانية كان بيشرب سجاير محلية

واللى اتجوزتة فى سنة تالتة كان لبسة موضة سنة 2000

واللى اتجوزتة فى سنة رابعة مابيعرفش

انا دلوقتى مش متجوزة حد.... انهوا واحد فيهم ينفع احافظ علية

والله ياماما انا بافكر احافظ على الزوج بتاع سنة رابعة

والا اية رأيك...

اية رأيك يادنيا دة انتى خليتى الدنيا بمبى

ودلوقتي بعد مقرأتوا الموضوع يا ريت كل واحد يقولنا ايه اكتر مرحله عجبنه وحابب انه يتجوز بالطريقه بتاعتها

ربنا معاك يا فوكس وتلاقي بنت الحلال اللي ترضى بطريقتك المجهوله دي
شكرا على مرورك الكريم يا استاذ فوكس

لا مقلقيش بنت الحلال موجوده
ورضيه بطرقتى
اطلعى انتى منها

ههههههههه
لا بجد موضوع جامد اوي تسلم ايدك يا سمسمه
اللي عجبني في الموضوع ده كله بابا ريكو يا لهوي
لا بس هيه احسن طريقه للجواز هيه الطريقه الفرعونيه اهوه اقول لبابا عاوز اتجوز البنت دي اصحي تاني يوم الصبح الاقيها نايمه جنبي على السيرير

ياريت الحياه سهله كده يا سكريم
على رأي الست أم كلثوم لما قالت
لسه فاكر كان زماااااااااااااان
شكرا على مرورك الكريم يا أستاذ سكريم

عين العقل يا معدي
وشكرا على مرورك الغالي

وجهة نظر تحترم يا هنوده
وشكرا على مرورك يا قمر