دماغ نااااااس ...بس ايه اوعى

من طرف زائر الثلاثاء يونيو 10, 2008 11:29 pm

معملتش (دماغ ) قبل كده ؟ ..

بس المرة دى مش اي دماغ دي اسمها )( دماااااااااااااغ ناااااااااااااس )(- ايه دماغ ناس دى ..

- دماغ ناس .. زى دماغ قهوه .. دماغ حشيش .. تعمل دماغ " ناس".. بص ياسيدى ..

لو فى يوم لقيت نفسك متضايق ومخنوق وملكش نفس تكلّم حد ومش لاقى حاجه تعملها .. إنزل الشارع إتمشى لواحدك و تأمّل فى الناس .. هتلاقى الموضوع مسلّى جداَ .. الشعب المصرى ده لذيذ طحن .. دماااااااااااااااااغ

......

* هتلاقى ناس طالع عين أهلهم فى أتوبيس فيه 186 واحد والناس طالعين من الشبابيك والجو حر .. والناس لسّه بتركب وهى مبتسمه وحاسه بالكفاح .. وتلاقى واحده ست تخينه – غالباَ موظفة – دخلت وسط الـ 120 واحد اللى واقفين على الباب واخترقت الجموع فى براعة ورشاقة تحسد عليها ..سبحان الله

* بنت لابسه هدوم المدرسة ومزوغة ماشيه مع ولد – ممكن تحلف إنه مش هيلاقى شغل ولا بعد 100 سنه من شكله – وإن لقى.. أول حاجه هيعملها أنه يسيب البنت دى .. كفايه فقر بقى ..

* واحد ومراته - كبار فى السن – ماشيين على الكورنيش بياكلوا ترمس فى منتهى السعادة والأمتنان ومش عايزين حاجه تانيه من الدنيا ..

mobile>>" * واحد شكله تعبان طحن ومش لاقى ياكل، بس جايب أحدث موبيل وبيتكلم فيه بصوت عالى فى وسط الشارع.. عشان هو حر ..

* واحد عمره ما شاف الزبدة فى حياته ولا يعرف بتستخدم فى أيه أساساَ .. عاملين معاه لقاء فى القناة الثالثة بيسألوه عن رأيه في مقاطعه المنتجات الدنماركية .. قلهم " أه طبعاَ انا مع المقاطعه دا واجب وطنى يا جماعه أنتوا بتتكلموا إزاى .. "

* واحد واقف مع خطيبته/صحبته قدام قفص الأسود فى جنينه الحيوانات بيقولها : " بصى .. أهو ده بقى أسد .. !!! " شاعراَ بأنه قد منحها العلم والمعرفه المطلقة وأسرار الكون ..

* بنات بكرش لابسه بديهات ستومك.. عشان دى الموضه .

* أسره مكونه من 4 أفراد أب وأم وبنت شابه وولد فى أعدادى قاعدين فى Café .. طلبوا عصاير وشيشتين .. مين اللى شرب الشيش ؟! .. البنت وأمها ..

* من أسبوعين كده كان فى ماتش .. كان فيه 2 منقبات بيشجعوا فى المدرجات !! .. و واحده منهم كانت لابسه نقاب أحمر .. تشجيع بقى .. صباح التهييس ..
جرب أنت كمان تعمل دماغ ناس .. هتلاقى الموضوع مسلّى جداَ .. و أبقى قلنا إيه رأيك

من طرف زائر الأربعاء يونيو 11, 2008 12:32 am

هههههههههههههه
تويبك هايل يا رورو
وعلى فكرة انا فعلا لما ببقى مخنوقة وماشية فى الشارع بفضل ابص على الناس وافضل اقول الراجل ده مستعجل اكيد دلوقت هو بيفكر ياخد تاكس
والبت دى متشيكة اكيد دلوقتى بتفكر مين من الشباب الكتير هيعاكسها .....الخ
لحد ما الاقينى هموت من الضحك

من طرف **واحد معدى** الأربعاء يونيو 11, 2008 10:41 am

ههههههههههههههههههههههههههههههههههه
تصدقى عمرى مافكرت اعملها
بس اوعدك انى النهارده وانا خارج هاعد ابص عليهم واحد واحد
مشكورا ريمو على مجهودك

من طرف زائر الأربعاء يونيو 11, 2008 6:27 pm

مرسيى على المرور

من طرف **hanoda** الخميس يونيو 12, 2008 6:48 pm

هههههههههههههههههههههههههههههههههه
انا جربت الحوار ده بس مش فى الشارع فى لجنه الامتحان
بما انى مجتهده وبخلص فى اول الوقت بفضل فاضيه كتير
فبعد اتفرج على الحلوين اصحابى وهما بيدحو فى الورق
واتفرج على لبسهم وجزمهم
بطلع بلاوىىىىىىىىىىى
مابيقولك الفاضى يعمل قاضى

من طرف زائر الخميس يونيو 12, 2008 10:47 pm

ههههههههههه قاضى قاضى
مرسيى على المرور للجميع

من طرف **rabab** الأحد يونيو 15, 2008 11:30 pm

hhhhhhhhhhhhhhhhhhhhhhhhhhhhhhh
el fekra 7elwa awi bas bgd deeh tenfa3li ana bezzat 3ashan 3aysha fe balad nas 3abita geddan wallahi sa3at 2ala2i nas 3amla fe nafsaha 7agat mas5ara awi Very Happy

we 5sousan el banat Very Happy

thxx roro gr8 topic ya gamil Very Happy

من طرف زائر الثلاثاء يونيو 17, 2008 1:05 am

هههههههههههههههههههههههههههههه
لا موضو جميل اول مره اشوفلك حاجه عدله يلا بقاالعيال كبرت

من طرف زائر الثلاثاء يونيو 17, 2008 11:57 pm

الله يخليك يا عم فواكس
الصغير بيكبر محدش بيفضل على حاله زى ما انت كنت صغير وكبرت ولا انت اتولدت كبير كده علطول

دماغ نااااااس ...بس ايه اوعى

دماغ نااااااس ...بس ايه اوعى

رد: دماغ نااااااس ...بس ايه اوعى

رد: دماغ نااااااس ...بس ايه اوعى

رد: دماغ نااااااس ...بس ايه اوعى

رد: دماغ نااااااس ...بس ايه اوعى

رد: دماغ نااااااس ...بس ايه اوعى

رد: دماغ نااااااس ...بس ايه اوعى

رد: دماغ نااااااس ...بس ايه اوعى

رد: دماغ نااااااس ...بس ايه اوعى