كلمنا عنه شوية

من طرف زائر الجمعة يونيو 06, 2008 6:58 pm

ليك انتيم؟؟؟..... طب تمام اوى
كلمنا عنه شوية

يعنى اتعرفته على بعض ازاى
ايه الصفات اللى فيه خلتك تحبه
طب وايه اللى نفسك يتغير فيه

طب احكلنا بقى
موقف طلع فيه جدع معاك اوى
وموقف استندل معاك فيه
طب وموقف كنتوا فيه مع بعض ومش ممكن تنساه ابدا (سواء حلو او وحش)؟؟؟؟

طب نفسك تقوله ايييييه؟؟

من طرف زائر الجمعة يونيو 06, 2008 11:14 pm

مليش اصحاب اتكلم عليهم كفايه انتم هنا اصحابى بتسمعونى بتردا ليا لكن انا مليش اصحاب

من طرف **semsema** السبت يونيو 07, 2008 2:59 pm

انا عندي انتيم بحبها جدا جدا جدا وبعتبرها زي اختي بالظبط . كانت زميلتي في المدرسه وفي الدروس . اللي قربنا من بعض ان احنا لقينا تفكيرنا واحد ومبادئنا واحده وراينا واحد ومبنختلفش على حاجه.ومش بتمنى اي حاجه تتغير فيها لانها كده انا بموت فيها . وبصراحه هي معايا في السراء والضراء . وبالنسبه للموقف اللي كنا فيه مع بعض ومش ممكن انساه ابدا هو اننا في مره خرجنا مع بعض نشتري حاجات وبعدين فجأه لقيت اخويا في الحته اللي احنا فيها وهي متعرفش اخويا ,وعشان محرجهاش مكلمتوش وضحكتله بس وخلاص ,فهي افتكرته واحد بيعاكسني ,ولقيت اخويا بيقرب مننا عشان يكلمني ,فهي افتكرت انه واحد غريب جاي يعاكسني بقا . وبما اني صاحبتها فلازم تحميني وتبعد الولد ده عني(اخويا)وفجأه لقيتها بتتخانق معاه والناس اتلمت زي الرز . اخويا ياعيني وقف زي الصنم مش عارف يعمل ايه Shocked

والناس اتلمت عليه وعايزين يتخانقو معاه .وانا اقولها يا بنتي ده اخويا ,ودي ولا هي هنا وعماله تتخانق معاه, واخويا يا عيني عمال يبصلي عشان انقذه منها ومن الناس اللي اتلمت دي وانا مش عارفه اعمل ايه .واخويا طلع من الموقف سليم بأعجوبه ,وهي بقا لما اكتشفت كانت في نص هدومها وفضلت تعتزر لاخويا اللي انقذته منها على اخر لحظه . وتوته توته خلصت الحدوته ,وهي واخويا دلوقتي بقوا اصحاب Smile

من طرف زائر السبت يونيو 07, 2008 4:35 pm

ههههههههههههههههههه
موقف جامد بجد يا سمسمة
ويارب يخليكو لبعض
ومرسيه لمشاركتك

من طرف زائر الثلاثاء يونيو 17, 2008 2:54 am

انا بقا ا ناس كتير صحابى وبحبهم اوى
وانا بقول عليهم كده عشان هم فعلن صحابى
منهم اللى بيكملنى والى شخصيتو وتصروفاتو زى وكده وانا صحابى اوى اوى 5

من طرف **hanoda** الإثنين يونيو 23, 2008 4:35 pm

انا بقى عندى انتيمتين جهاد(gogo) وانغام(oror)
اسم شله الفسادamazing gold heart هاتسالو ليه الاسم ده هاقولكم اول حرف من كل كلمه يحمل اول حرف من اسم كل واحده فينا
ماما تطلق علينا اسم مثلث الرعب مع اننا لطاف جدا
انا بحبهم جدا وواخدين على بعض خالص وخاربين فواتير التليفون من كتر الرغى
يعنى بنتكلم حوالى خمس ست مرات فى اليوم (ده ايام الامتحانات)
بنحكى لبعض تفاصيل تفاصي حياتنا متهيقلى لماما مامت حد بتكح بتتحكى فى الكلام .... طبيعى يعنى ما احنا خلصنا كلام هانقول ايه تانى
بس عن نفسى مش بحكيلهم كل حاجه كل حاجه مش عشان مش واثقه فيهم لا اصل مابلاقيش فرصه اتكلم
بيدونى الفرصه دى لما يحسو انى مضايقه وجايبه اخرى وممكن فى نص الكلام يدخلو فى موضوع تانى حصل وافتكروه
ومن ساعتها قولت انا مش هاحكى حاجه
بالنسبه لصفاتهم فانغام رقيقه مووت وهبله جدا وعلى نياتها وطيبه وكريمه
جهاد عشريه قوى قوى ورغايه وطيبه بس سهونه حبتين
احلى موقف حصلى فى السنه اللى قضيتها معاهم
يوم بيت فيه مع جهاد (هى جبانه جدا) لاقيتها فى عز نومى جايه تصحينى
وتقولى فى برص كبير بره وانا خايفه
اقولها البرص مايعملش حاجه تقولى لا ايه اللى يضمنلى ممكن يجى القوضه ويعمل اى حاجه
وانا كنت تعبانه فعلا وعايزه انام روحت قايلالها البرص مابيحبش الضلمه ومش هاييجى
قالتلى انت بتكدبى قولتلها عمرك شوفتى برص فى الضلمه قالت لا
قولتلها خلاص هو مابيحبش الضلمه اقفلى موبايلك لانه لو حس ان فى نور هاييجى
ههههههههههههههههههه فعلا قفلت موبايلها ونامت ولما صحيت دحكت عليها لانها صدقت فعلا
بالنسبه لانغام انا مش متزكره موقف حلو دلوقت بس لو افتكرت هاقولكم عليه

سرحت انا فى الكلام وطولت مش كده؟؟!!!!!!