فاطمه يا فاطمه ........ يا خيبتك يا فاطمه

من طرف زائر الخميس يونيو 05, 2008 9:42 pm

انا بتمنى انا كل الاعضاء يشاركوا معايا فى الموضوع دا ونفسى اسمع راى كل الاعضاء فى المنتدى
الموضوع دا مش من فراغ ولا فكرت فيه بسخريه الموضوع دا مهم يمس كل بيت بيمس كل بنت وشاب
دا موضوع ضحاياه كتير اوووووووى عائله و بنت و ولد وساعات بيبقى فى جنين نبتدى الحكايه ونقول ونادى علىفاطمه وياريت تشوف فاطمه من البدايه للنهايه !!........
فاطمة بنت ناس
يعنى أيه
يعنى ناس كويسين
برضه يعنى أيه
يعنى ناس بيعرفوا يربوا بناتهم
وماله
فيه كتير زى فاطمة وكتير زى الناس دول
عادى وطبيعى
فاطمة عيب ماتكلميش ولاد.................حاضر
فاطمة عيب ماتروحيش لصاحبتك هى اللى تجيلك....................حاضر
فاطمة بلاش تلبسى كدة وألبسى كدة ...................... حاضر
فاطمة عيب ....... فاطمة حرام .......... فاطمة مايصحش
وفاطمة بتسمع الكلام
فاطمة فضلت طول عمرها بتسمع الكلام
مقتنعة...؟؟؟
ممكن
مجبورة...؟؟؟
أكيد
فاطمة بتصلى وبتصوم
كبرت وبلغت ومشى عليها اللى بيمشى على كل البنات
و..........أتحجبت
سلو عيلتهم كدة
الحجاب
وماله كويس
فاطمة حلوة وشها حلو وتقاطيعها مسمسة
وجسمها خرطه خراط البنات
فاطمة بنت مرغوبة..........
عرسان أتقدموا من سن 15 سنة
لكن أبوها عايز يعلمها
فاطمة شاطرة فى الدراسة ومتفوقة
بسم الله ماشاء الله ..........أدب وعلم وحلاوة
فاطمة دخلت الجامعة
كلية أيه ما يفرقش معانا
فاطمة رايحة الجامعة ........... فاطمة راجعة من الجامعة
أول سنة امتياز...........برافووووووووو ووو
وأول سنة أحمد فى السكة ظهر لها وحبها
فاطمة اتلخبطت
سمعت فى ودنها امها بتقولها لما جت تدخل الجامعة.......
فاطمة انتى رايحة الجامعة تتعلمى مش تتجوزى.... لو على الجواز يابنتى كان زمانك معاكى عيال ..... أحنا عايزنك جامعية محترمة.....
ماتكلميش ولاد .... ولا حد تسيبيه يكلمك ..... لا يقولك كشكولك ولا يقولك أعزمك ولا اوصلك....أوعى يابنتى
فاطمة الأول سمعت الكلام وعقلته.....ومارضيتش تكلم أحمد
بس أحمد ولد شاطر..........شعره عامله على الموضة ولبسه شيك وعنده عربية
وبيعرف يتكلم حلوووووووووووووووووووووووووو
بيعرف يرص الكلام ولا أجدع مهندس بيرص عواميد عمارة
احمد فضل ورا فاطمة لغاية ما كلمته
وفضل وراها لغاية ماأديته ريق حلو
وفضل وراها لما أقنعها انه بيتغير علشانها
وبيحضر المحاضرات علشانها
وح ينجح السنة دى علشانها
أحمد بيحب فاطمة
وفاطمة مش عارفة هى بتحبه ولا بتحب حبه
محدش قال لفاطمة اللى قاله أحمد
وح تسمعه فين ماهى طول عمرها ماكلمتش حد غريب
الأجازة جت وفاطمة فى البيت ............
بتساعد مامتها وبتتفرج على التلفزيون وبتقرى و .............
بتكلم أحمد على التليفون والنت
السنة التانية جت وفاطمة من اوائل الدفعة لكن أحمد يادوب نجح بمادة
أحمد فهم فاطمة أنه نجح علشانها والسنة الجاية ح ينجح بتفوق
فاطمة أبتدى قلبها العبيط يتحرك ناحية أحمد و...............بتحبه
أحمد عرف يلعب عليها لعبة الحب وقدر يقنعها بأنه يتجوزها
طيب روح لبابا ياأحمد
ماأقدرش دلوقتى لأنى مش جاهز
طيب وانا أعمل أيه
نتجوز دلوقتى مع بعض ولما نتخرج نعلن جوازنا
عايزنى أتجوز فى السر
وماله يافاطمة نتجوز احسن ماحد ياخدك منى
لا ياأحمد اخاف
وأحمد فضل يزن ويزن
وخلصت السنة وفاطمة مش راضية وخايفة
قلبها مع أحمد وبتحبه لكن ماتقدرش تعمل كدة
وفى الصيف جه عريس ............ فاطمة جريت تعيط لأحمد وتقوله يتقدم لها
لكن أحمد أتحجج بانه مش جاهز
بالعافية فاطمة رفضت العريس وطلعت فيه العبر
وجت سنة تالتة أول ماقابلها احمد قالها .............
مش قولتلك لازم نتجوز قبل ماتطيرى منى
ولقت زميلات كتير عاملين كدة
فاطمة وافقت بعد ألحاح أنها تتجوز أحمد
فاطمة بنت 18 سنة أتجوزت أحمد عرفى
فاطمة وقعت ونهايتها معروفة
فاطمة ضاعت وهى اللى ضيعت نفسها
فاطمة فاقت بس بعد ماأحمد ادها سكة وهى بقت .............
مدام
فاطمة أتخرجت
فاطمة كل عريس يجى لها ترفضه
ماهى خايفة
فاطمة غلطت
غلطت غلط كبير قوى
فاقت وحست بيه لما كبرت زيادة وعرفت قد أيه هى كانت عبيطة وغبية
فاطمة تابت وانابت وعرفت الغلطة فين
لكن فاطمة فى المجتمع مدام
لاهى مطلقة ولا هى آنسة
هى حاجة غريبة
فاطمة بنت 20 سنة ضاعت خلاص؟

فاطمة علمت أيه؟
أتجوزت عرفى
الله أتجوزت يعنى؟
لا بس العرفى فى السر يبقى مش جواز
وهى ايه اللى عرفها ده بنت 18 سنة
أه هى غلطانة بس مش مسئولة
أه هى تستحق ساعتها الدبح
بس ياما ما بنغلط
اه هى كانت كويسة وعملت غلط بس كان بحسن نيه بس حالا قدام كل الناس مش كويسه
بس فاقت وعرفت الغلطة وتابت
المفروض يتعمل فيها أيه............حد يدبحها ولا تعمل هى أيه
فاطمة فيه منها 4 مليون فاطمة فى مصر
يعملوا أيه دول
ياترى لو حد جه يخطب فاطمة من الشباب اللى معنا فى المتنتدى وأعترفت له بده يقبل يتجوزها
ياترى لو فاطمة دى أختك ولا بنتك ولا حتى قريبتك تقتلها ولا تعمل فيها أيه
وياترى فاطمة أحسن لها تعمل عملية ترقيع والموضوع يخلص ولا أيه
حد عنده حل لفاطمة..............؟؟؟؟؟؟؟؟؟؟ ؟؟؟

من طرف **semsema** الجمعة يونيو 06, 2008 10:49 am

التار ولا العار...ومينفعش انها لو هتتجوز تبدأ حياتها بكدبه وتعمل العمليه اللي انتي بتقولي عليها دي يا ريمو . هي تخليها صريحه وتعترف بغلطتها ولو الشخص اللي متقدملها تفهم الموقف ووافق,يبقى خلاص بس برده مش هتكون سعيده في حياتها خالص . وسمعينا رايك كده

من طرف **hanoda** الجمعة يونيو 06, 2008 4:40 pm

طبعا دى حكايه بنشوفها وبنسمعها يوميا
وفاطمه دى واحده من اللى كانو بيشوفو الكلام ده ولو حتى على التلفزيون
بس نعمل ايه ماحدش بيتعظ
بس اهلها غلطانين نوعا ما
لان هما مفكرين اننا لسه فى السبعينات
مش معاصرين اللى بيحصل
وكان لازم يدوها بعض من الحريه عشان تفهم
وعن نفسى مش عارفه اقول ايه لفاطمه لانها هى اللى عملت كده فى نفسها
وندمت بعد فوات الاوان
وليت الندم يفييييييييييد
وشكرا ريمو

من طرف زائر الجمعة يونيو 06, 2008 6:09 pm

مرسيى على المرور للجميع
بس واله الموضوع انتشر اوى والضحايا كتير جدا يا ترى امتى هنقف عن كده ونعيش فى النور

من طرف زائر الثلاثاء يونيو 17, 2008 12:06 am

والله يا جدعان انا مش عارف اقول ايه فى الموضوع ده بس الحمد لله ربنا عمره ما بيوقع انسانه كوسه فى مشكله زى ده اصل مفيش واحده كويسه احلقها تسمحلها ان هى تعمل كده

وبده الغلط على اهلها بس هو مش غلط كبي ولا حاجه هى كل غلطتهم ان ها حبو يحفظو على بنتهم

فاطمه يا فاطمه ........ يا خيبتك يا فاطمه

فاطمه يا فاطمه ........ يا خيبتك يا فاطمه

رد: فاطمه يا فاطمه ........ يا خيبتك يا فاطمه

رد: فاطمه يا فاطمه ........ يا خيبتك يا فاطمه

رد: فاطمه يا فاطمه ........ يا خيبتك يا فاطمه

رد: فاطمه يا فاطمه ........ يا خيبتك يا فاطمه