حوار جامد بين اكتر اتنين بيسمعوا

من طرف زائر السبت مايو 03, 2008 8:46 pm

الاول : الاوتوبيس ده بيروح مصر الجديدة
الثاني : على الحديدة !! ...ليه انت طالب احسان
الاول : بذرة الكتان !! لا .. دي تلاقيها عند العطار
الثاني : جزار !! اه .. قوللي كدة .. عايز تشتري لحمة
الاول : معك حق .. الدنيا زحمة .. علشان ده ميعاد خروج الموظفين
الثاني : نور الدين !! لا والله .... ماعرفوش
الاول : ما بتشربوش !! ليه كفا الله الشر
الثاني : رأس البر !! .... ده مصيف هادي
الاول : عايز تركب للمعادي ... دي منطقة جميلة
الثاني : بليلة !! انت شكلك جعان
الاول : عيّان !! اه والله ... انت باين عليك عيّان ... طيب ماتروح للدكتور
الثاني : الحنطور !! ده أحسن من الاتوبيس ، و بيوصلني لحد الباب
الاول : هباب !! و انا اللي كنت فاكرك محترم
الثاني : اتخرم !! هو مين ؟؟
الاول : عاوز اسبرين !! ليه عندك صداع ؟؟
الثاني : قراع !! ينهار اسود .. ده مرض خطير
الاول : لا والله مش عايز .. و بعدين مش بحب الفطير .. تقيل عالمعدة .. و ثمنه غالي
الثاني : خالي ... انت تعرف خالي ؟؟ ده راجل كبير في السن
الاول : الجن ... نهارك مش فايت .. انت عليك عفريت .. ؟؟!!
الثاني : لا والله .. ممعاييش .. انت عايز كبريت ليه .. عايز تولع ؟؟
الاول : أدلع !! أدلع عليك انت !!؟ انت ما تملاش عينيَ
الثاني : يقبضوا عليّ... ليه ؟!
الاول : انت غريب يا راجل انت .. شكلك شحات (بيشدو من القميص) روح اشتغل شغلة تاكل منها عيش
الثاني : خيش .. والله ده صوف انجليزي
الاول : بنتك زيزي ، ربنا يخلي .............
الثاني : انتاج محلي؟! ... ده مستورد

بيمر شاويش من بتوعنا ... يلفت انتباه الحوار : بتعمل ايه يا جدع منك له ؟؟
الاتنين : أيوة يا شاويش .... احنا مستنيين الاتوبيس
الشاويش : نهاركم مش فايت ... جواسيس !!! قدامي على القسم

من طرف زائر السبت مايو 03, 2008 8:53 pm

ههههههههههههههههههههه جامد يا هارت اوف انجل تسلم ايدك

من طرف **hanoda** الأحد مايو 04, 2008 12:54 am

هههههههههههههههههههههههههههههههه
صباح الاستهبال
تسلم ايدك

حوار جامد بين اكتر اتنين بيسمعوا

حوار جامد بين اكتر اتنين بيسمعوا

رد: حوار جامد بين اكتر اتنين بيسمعوا

رد: حوار جامد بين اكتر اتنين بيسمعوا