امتى هايفهمونا؟

هو ليه الظروف دايما بتقف في طريق أي حب حقيقي مع ان الحب ده مش حاجه غلط لاسمح الله ولا عيب دا الحب الحقيقي اجمل شيء في الدنيا خلقه ووجده ربنا واحنا لو محبناش مش ممكن نكون بني ادميين عاديين بس المشكله ان الظروف دايما بتقف في طريق الحب دا للاسف ظروف ماديه واجتماعيه واكبرهذه الظروف هي ظروف الاهل ودا علي اساس انهم بيخافو علينا وعايزين مصلحتنا طب ومين قال لهم متخفوش علينا بس ياريت خوفكم ده ميقفش في طريق سعادتنا واحنا سعادتنا الحقيقيه اننا نكون مع اللي بنحبهم
انا عارفه ان كلامى ده مش واصل لاهالينا
بس نفسى يوصلهم ان لسه فى حب
بس الرساله دى صعب توصيلها ليهم دلوقت
لان دماغهم بقت مليانه بحاجات شايفنها اهم من الحب
بس انا بقول كلامى ده عشان احنا هانبقى اولياء امور فى يوم من الايام
هايبقى لينا عيال وهايحبو
فيريت مانكسرش بخاطرهم ونساعدهم على ان حبهم ده يكبر لان الحب ضروري جدا جدا وزي ما قالت ثومه (يا حبيبي الحب حياتنا وبيتنا وقوتنا وناره جنتنا) بجد في الظروف اليوميين دول وكمية المشاكل لازم نحب بجد ونعيش اللحظه لاننا مش عايزيين احباط اكبر من اللي احنا فيه وزي ما قالت ام كلثوم وردت علي كل اللي بيحاولو يجنو علي الحب( يالي ظلمتو الحب وقولتو وعيدتو عليه وقلتو عليه مش عارف ايه العيب فيكم يا في حبايبكم اما الحب يا روحي عليه) بجد ياروحي عليه
ولو كلامى غلط فهمونى الصح .. دى دنيا الحب اللى نفسى تتحقق .. وازا ما اتحققتش معانه يبقى مع عيالنا