حكاية لبانة

من طرف **rabab** الثلاثاء أبريل 22, 2008 8:35 pm

يوم من الايام واحد من الشباب راح يخطب ...وبعد الموافقة
طلب العريس انه يخرج مع عروسته ايام الخطوبة ، سمحوله الجماعة
ولكن
معاهم اخوها الصغير‎.
قعدوا في الحديقة ، وتكلموا وعرفوا بعضهم اكثر‎.
لما رجعت العروسه البيت ،

سألتها أمها : ها أيه أخبار فلان ؟‎
ردت العروسه: هو كويس ، بس في حاجة مش عجبانى فيه
الأم : أيه هى؟‎
العروسه : على طول بياكل لبان اربع وعشرين ساعة
الأم : خليني اقول ده لأبوكى، وهو يتصرف معاه ويشوف صرفه معاه‎.

وبعد كام يوم ،
سأل الأب العريس عن الموضوع.

الاب : يافلان أيه أخبار اللبانة الي أشوفك على طول بتاكل فيها..؟؟ ‎
وقال ‎العريس: اصلا ماباكلش اللبان الا لما ادخن بس‎
الأب: انت بتدخن ؟؟؟‎
العريس : ايوه بس لما اكون شارب خمره‎
الأب : وبتشرب خمره. كمان!!!‎
العريس : اشرب لما أجتمع مع شلتي اللي تعرفت عليهم في السجن بس‎
الأب : وكمان كنت فى السجن عشان أيه..؟؟؟ !!!!!!!!!!!!
العريس : أبدا ، قتلت راجل واحد بس‎
الأب : وليه قتلته ؟‎
العريس : علشان كنت خاطب بنته ، ومعجبوش أنى كنت باكل اللبان.

من طرف زائر الثلاثاء أبريل 22, 2008 8:59 pm

ههههههههههههههههههههه
بس كده يا عينى الراجل هيعمل ايه هيجوزه البيت ولا يمووت علشان مش عجبه ان هو بياكل لبان ؟؟؟
تسلم ايدك رباب

من طرف **hanoda** الثلاثاء أبريل 22, 2008 11:58 pm

هههههههههههههههههههههههههههههههههه
فكرنى ببسيونى بسيونى فى فلم الباشا تلميذ
يعنى الراجل هايموت ان شاء الله
طيب دقيقه حداد على روح المرحوم

تسلم ايدك على الموضوع الجميل ده