الحب التيك اواى

من طرف زائر الجمعة أبريل 11, 2008 10:46 pm

الحب التيك أواى هو الحب اللى بيبدأ بسرعه وينتهى برده بسرعه وتقريبا هيا دى الموضه اللى ماشيه اليومين دول ,
لانه فيه شباب كتير اليومين دول بيحب انوا يعيش بس فى رومانسيه ويكون اسمه عاش قصة حب ومر بتجربه,
المشكله ايه بقى فى الحب بتاع اليومين دول ان الشاب من دول يفضل يقول للبنت اللى فاكراه بيحبها كلام ويوعدها بوعود تحسسها انه خلاص مش هيقدر يبعد عنها ويفضل يقولها بحبك انت حياتى ,انتى الماضى ,انتى الحاضر ,انتى مش عارف ايه.. وهوا اصلا لسه عيل ملحقش يعمل لا ماضى ولا حاضر .
انا قبلك مكنتش عايش ومبحسش بالراحه غير لما بتكلم معاكى (وهوا بيتكلم مع عشرين واحده فى الساعه).
انا مستنى اكون نفسى وبعدين اكلم بابا (موت يا حماررررررررررررررر)انا ان شاء الله هاجى اتقدملك فى اقرب فرصه(استنى بقى وعليكى خير...)
وغيرها من الاسطوانات المشروخه اللى اتحفظت,
ولما تيجى تسأل الواحد من دول يابنى انت ناوى ترتبط بالانسانه دى يقولك؟ طبعا
امال ايه دى اجمل قصة حب فى حياتى ودى شريكة حياتى ودى مش عارف ايه ....
انا عارف ان شباب المنتدى هيرد ويقول لا ده مبيحصلش وانا بقول بيحصل اكيد مش كل الشباب بيعمل كده وفيه شباب كتير مش من النوع ده بس الظاهره دى انا بقول انها موجوده وبتكتر كل يوم .
وعايز اقولكم انى مش قصدى ان الشباب بس اللى كده وان البنات ملايكه ,لا طبعا فيه بنات كده برضوا وطبعا دى مصيبه تانيه .
مش عايزة حد يزعل من كلامى
انا بقول رأيى ودى وجهات نظر.