سهم في قلبي >=====>

من طرف زائر الخميس أبريل 10, 2008 5:12 pm

أتخيلك جنبي وأنا أهتف بمسمعك
أقول أحبك خلك اليوم شاهد
يقطع زمان الحب كله ويقطعك
من كثر ما أحبك تحولت حاقد
ليت الوداع يموت لا جيت أودعك
ولا نموت أثنين في وقت واحد

بالامس كنا نجتمع ليل ونهار
واليوم يابعدك ويابعد دارك
ليت الليالي علمتني بالاقدار
وليت القدر يرحم بحالي وحالك
يمر ليلي في خيالات وافكار
على بساط الشوق ارسم خيالك

سوّي الي براسك ولاتذكر اسباب
لوصرت بايعني توكل على الله
مابيني وبينك عذاب وعتاب
شف درب الي أ جيت منه؟؟ تندله ؟؟
ماراح تغلبني لو الحب غلاب
منحضرتك عشان قلبي تذله
رح واعتبرني واحد مذنب وتاب
ماني بثوب تلبسه ثم تمله

عند الكرامه ابيعك وانت خابرني
ماعمر احد راح من كيفه وناديته
ان كان قصدك هجر روح واهجرني
ابوي لا صد عني ما ترجيته

قادر ابعد لو ماكنت قادر
دامها جت منك يعني وش بيصير
زينك اللي بالمرايا بس عابر
مثل ريح الورد في عمره قصير
هذي حروفي وانا مانيب شاعر
بس من صدتك تعلمت الكثير
بتركك انت وضميرك وانت خابر
ان اقسى شي تعذيب الضمير

وصيت ربعي لو ذبحني غلاكم
قدام بيتك بالثرى يدفنوني
ترتاح روحي يوم اجي في ثراكم
ولكثر وحشتك قلهم يظهروني
هذا الوعد واحسن الله عزاكم
واذا مشيتوا فوق قبري اذكروني

كم تمنيت السعادة بدنياي وشفت السعادة تبتعد
ما تريدني ما تريدني أشكي لربي خالق الخلق شكواي
عســـــاه يسعد مابقى من سنيني
أخفي عن الجلاس همي وبلواي
وأضحك ولكن دمعتي وسط عيني

ابكيتني؟؟

وانا احسبك تكره
بكاي..

واثاريك تلذذ في دموعي
وانا ابكي..

أي محبه وأي عشره وأي حنان
وأي شوق اللي انت تتكلم عليه
يعني واثق ان باقي لك مكان
وان قلبي يرد لو ترتجيه
وين شوقك يوم انا احتجته زمان
وين حبك يوم انا ميت عليه
رح للي لأجله بعت حبي زمان
بس لا تنسى تسلملي عليه

تسأليني كل مره إنت تحبني ؟
إسألي الشجر و الطير عن حنيني ؟
إسألي البحر و الانهار عن شوقي؟
إسألي الأوطان والمخاليق عن ضنيني؟
لاتسأليني إنت تحبني قولي كم تحبني؟
كلمة احبك هذا كلامي وكل ما فيني.
واليوم صرت لي من اكبر عدويني

شفت الليالي وش تسوي و الايام
شفت الخوي وشلون ينسى خويه

غريب الوقت في تاليه
تحول كل شي ضدك وضدي
حتى الورد اجي اسقيه
يقول ارجوك ما ودي

كنت بعيوني أغلى من كل هالكون..
واليوم والله إنك رخيص وتهون..
كنت أذكرك و العقل يسلى فيك بجنون..
والحين لو مريت كأنك طيف تعدى العيون..

يا غايب عن القلب لا تعذبه بصدك
ولا يصير حبنا مجرد حلم تبدد
لا تعتذر وصلت في الصدود حدك
وارسلت سهم في وسط قلبي تسدد