جمعية حماية حقوق النمل

من طرف زائر الأحد أبريل 06, 2008 12:21 am

أيه ؟؟؟................... العنوان غريب شويه ................ههههه .....................لا لا لا مش غريب و لا حاجه .....أقرأ بس يا أخي و أنت تفهم ......

أصل الصراحه أنا قررت أعمل جمعيه لحماية حقوق النمل و مكافحة جميع أشكال الأضهاد و العنف الموجهة ضده .................هههههه ................طبعا بتقول أني مجنون .............هههههه ..................متنكرش أنا سمعتك بوداني ...

المهم يهني علشان ما أطولش عليكم....الموضوع دا طرقع في دماغي كدا من كام يوم.....أصل اللي حصل يا سيدي أني كنت قاعد في حالي كدا لا بيا و لا عليا..............و فجأه...........لقيت نمله معديه من قدامي (( أنتوا عارفين اليومين دول الجو بدأ يبقي حر و النمل بيطلع بقي يشوف رزقه ))....المهم يعني كالعاده و بتلقائيه غريبه لقيت نفسي قمت بسرعه من علي الكرسي و مسكت في أيدي فضلت خيركم (( لا مؤاخذه يعني )) فردة شبشب من ابو صباع ده ., و قمت رافع الشبشب لفوق و نزلت بكل قوتي ............و فجأه...... و قبل الشبشب ما ينزل علي النمله ...لقيت أيدي وقفت..........آه...آآآه...آآآآآآآآآه.......شلت يدي .....شلت يدي .......

ههههههههههه ...............لأ لأ بهزر بهزر ............الحقيقه اللي أوقف أيدي هو سؤال جه علي بالي ...................السؤال ده خلاني أسيب النمله و أقعد افكر بتاع ساعتين ........و كمان هوه اللي خلاني أكتب الموضوع ده ..............(( بس و الله النمله دي ربنا بيحبها )).

المهم يعني السؤال ده كان ..........."" ليه الناس (( و أنا كنت منهم طبعا )) أول ما تشوف نمله تقوم فورا و تلقائيا تجري وراها بالشباشب و الجزم و لا حتي ترش عليها مبيد حشري.....مع أنه غالبا بتكون النمله لم تأذيهم بأي شئ ؟؟؟؟ ......

دا أحنا حتي لو فكرنا صح هنلاقي أن النمل بيقوم بدور الخادم اللي بينظف البيت من الفضلات و بقايا الطعام .......يعني انت ترمي بقايا أكلك في الأرض يقوم النمل ينظفهالك ببلاش و من غير أي فلوس و بس في مقابل أنه يتغذي علي هذه الفضلات......يعني أحنا المفروض نشيل النمل دا علي راسنا من فوق و نعامله أحسن معامله مش ندوس عليه بالشباشب ......

لأ ولو واحد ذكي بقي يقوم يربي في بيته خليه من النمل (( المستأنس طبعا )) و أهوه يساعده شويه في نظافة البيت .

و الحقيقه أنا لما فكرت أكتر في الموضوع دا اكتشفت كام حاجه كدا :

أولا : أن احنا فيه حجات كتير قوي بنعملها في حياتنا من غير ما نسأل نفسنا أحنا بنعملها ليه ...أو ليه منعملش عكسها مثلا ....حجات بنعملها لا لشئ إلا لأننا اتولدنا لقينا الناس من حولنا بتعمل كدا .......

فبالنسبه لموضوع النمل دا ....تقريبا معظم الناس إن لم يكن كلهم (( إلا من رحم ربي )) أول ما يشوفوا نمله قدامهم يقوموا ينزلوا عليها بالشباشب ......و محدش فيهم بيسأل نفسه أنا ليه بعمل كدا .....فلو سأل نفسه السؤال دا هيلاقي أن غالبا مفيش أي سبب يخليه يعمل كدا و انه بس بيعمله لأنه أتولد لقي الناس بتعمل كدا .

ثانيا :أكتشفت أن الموضوع بتاع قتل النمل دا يعتبر نوع من انواع العنصريه.........أيوه بجد.........مش بهزر...............مهو لما الواحد يقتل نمله (( و هي كائن حي زينا بالضبط ))من غير أي سبب و علشان هيه بس أصغر منه في الحجم .....يبقي أكيد دا نوع من انواع العنصريه...... لأنه اضطهاد لجنس معين بدون أي سبب موضوعي مقنع ......

طيب و النبي أنا عايز كل واحد فيكم يتخيل كدا أن أحنا عايشين في كوكب فيه نوع آخر من الكائنات .....و هذه الكائنات عملاقه جدا بالنسبه لنا نحن البشر لدرجة أنها بتدوس علينا زي النمل .....تخيلوا بس ............يقوم واحد مثلا من أصحابك أو أهلك أو أقاربك ينزل يشوف رزقه و ميرجعش.....تقوم تسأل عليه يقولولك انت مدرتشي .......دا واحد من العمالقه داس عليه بالجزمه فعصه .......طيب و النبي هيبقي أيه شعورك ؟؟؟....هه؟؟؟ ..............و أسمعوها بقي مني جمله ...." اللي بيدوس علي اللي أصغر منه بينداس عليه من اللي أكبر منه " .

كمان يا جماعه خلوا بالكم ان النمله دي روح ........و انت لو فكرت ان انت بتقتل روح من غير أي سبب هتعرف ان انت بتعمل معصيه كبيره قوي ....

بل اكتر من كدا أنت لو بصيت للنمله دي عن قرب و تأملت فيها شويه هيتضح لك فعلا انها آيه من آيات عظمة الخالق .....فكيف لك أن تقضي علي أية من أيات عظمته بدلا من ان تجلس أمامها لتتأمل و تفكر ؟؟؟؟

و أخيرا بعد كل الكلام ده ما دار في دماغي ......قررت اني أعمل جمعيه لحماية حقوق النمل و مكافحة جميع أشكال العنف و الأضطهاد الموجهة ضده ......و من ساعتها بطلت ادوس علي النمل أو اقتله بأي طريقه ..................دا أنا حتي ....((بس متضحكوش عليا يعني )).....لما بلاقي نمله هتغرق في شويه ميه و لا حاجه .....بنقذها علي طول ...... و اهوه بدل ما أكون قتلت نفس أكون احيتها .

و علي العموم باب العضويه في الجمعيه مفتوح لأي واحد بس بشرط أنه يبطل قتل في النمل من غير سبب.....ماشي....

و علي كل من يرغب في الحصول علي عضوية الجمعيه أن يسارع بتسجيل أسمه قبل ما أقفل الباب (( باب العضويه يعني )) ., و مينساش يجيب معاه ما يثبت أمتناعه عن التقتيل في النمل من غير سبب ....و كمان يجيب معاه صورتين و 4 جنيه علشان نبقي نعمله الكارنيه (( و بالنسبه للجماعه اللي مش من مصر... يبقوا يجيبوا معاهم ما يساوي ال 4جنيه من العملات العربيه ....و محدش يجيب عملات أجنبيه علشان ما أطردهوش شر طرده )).
لللاشتراك معنا اتصلو بينا على 09005500

من طرف **hanoda** الأحد أبريل 06, 2008 12:33 am

تقريبا السهر اثر عليك يا ابنى
ايه بتقول هاتقوم تنام
طيب تصبح على خير

من طرف زائر الأحد أبريل 06, 2008 3:05 am

ههههههههههههههههههههههههههههههههههههههههههههههه
لا بجد فكرة لذيذة بس خلى بالك 4 جنية كتير
بطل الاستغلال ده
قولى يا فواكس بينى وبينك مش هقول لحد خالص هو النمل اداك كام عشان ده كله
اشمعنى النمل يعنى؟؟؟؟؟؟؟؟؟هو انت لما بتشوف حاجة تانية مش بترضبها بالشبشب برضه
وبعدين انا مش هفتح بيتى بقى جنينة نمل ماهما كده هيكتروا
وانت عارف بقى انا بعمل لصالح التخفيف من الازدياد السكانى وزحمة المرور عشان كده بضربهم

من طرف زائر الأحد أبريل 06, 2008 4:07 am

ههههههههههههههههههههههههه
عالم مش مقدر اى حاجه خالص
انا غلطان ان انا بعرض عليكو مشكله كبيره زى ده

من طرف زائر الأحد أبريل 06, 2008 5:15 pm

يابو قلب حنين نمل ههههههههههههههههههههه ههههههه انا بقراء فى الموضوع وبضحك ومش قاددره ابطل ضحك زى ما يوكن كده انت بتقول نكت ايه دا هو ااحنا بنعمل للنمل هى البلد فيها اساسا بيوت علشان البندمين علشان نعمل جمعيه للنمل وكمان اربعه جنيه للشتراك الاربعه جنيه دول انا اجيب بيهم عيش ياكل اطفال الشوارع بدل ما اكل بيهم نمل اكل اناسن مش لقيه لقمه حاف وبعدين المفروض ان احنا نفكر فى لاننسان قبل الحيوا ن مش جمعيه للنمل معلش يعنى طولت عليكم بسدا راى هو موضوع يضحك بس مش اعمل جمعيه نمل واقول انا كده بساهم فى انقاذ روح لا انا كده بعمل هبل لما انقذ الانسان اللى بينام فى الشارع ومش لقى ياكل ابقى انقذ النمل شكر على الموضوع فواكس صاحيت فيا حاجه كنت نساها

من طرف زائر الأحد أبريل 06, 2008 6:12 pm

ههههههههههههههههه
لا بجد يا فوكس تسلم ايدك على الموضوع ده

من طرف زائر الأحد أبريل 06, 2008 11:59 pm

هى ده الناس اللى بتفهم وبتقدر مش زيكو

جمعية حماية حقوق النمل

جمعية حماية حقوق النمل

رد: جمعية حماية حقوق النمل

رد: جمعية حماية حقوق النمل

رد: جمعية حماية حقوق النمل

رد: جمعية حماية حقوق النمل

رد: جمعية حماية حقوق النمل

رد: جمعية حماية حقوق النمل