كلام بنات

من طرف dodo_2005 السبت أبريل 05, 2008 7:15 pm

كلام بنات
وهو ايه كلام البنات؟ ان البنت تقول على فلان شكله يهوس؟ ولا انها تناقش الموضة مع خلق ربنا.. ولا انها تشوف الميك أب وتسريحة الشعر بتاعة فلانة وترتانة ازاى؟؟ ولا تفتكروا كلام البنات النم على غيرها.. ولا ايه رايكم فى كلام البنات المعيطة؟
ايه رأيكم فى البنات اللى من غلبها خلص كلامها عشان كل ذنبها انها بنت..

بتوجع.. ولا أقول كمان؟

أقول كمان..

هى حدوتة ملتوتة لواحدة بنت.. عندها حفنة سنين يا دوب شيلاهم فى كفها .. من صغرها وكان عندها أحلام.. حلمت مرة بالفارس المغوار.. وفاقت لما عرفت ان مافيش فى زمانها فرسان.. وحلمت زمان ببيت صغير.. وفاقت لما عرفت ان تمن البيوت غالى .. وعليها وعلى ابن الحلال يكافحوا يجيبوا شقة محندقة تلمهم... كان عندها حلم تلاقى فيه نفسها.. ولقت الدنيا دوامة كبييرة.. تاخدها لحت ولتحت تانى لحد ما تتخنق.. يااااه.. حلمت كمان بحضن يسمعها لما تتمنى حد يسمعها.. لكنها لقيته قدمها جامد جاحد.. ظالم وقاسى.. وخلاها تبات ليلها معيطة

فتحت عينيها وسط سنينها ودورت على كلامها.. لقيته وسط أحلامها اتسرسب من غير ما تحس

من طرف زائر السبت أبريل 05, 2008 8:09 pm

كلام حلو اوووى اوى مرسيى على الموضوع

من طرف **hanoda** السبت أبريل 05, 2008 9:48 pm

كلام جميل فعلا
مجهود عظيم

من طرف زائر الأحد أبريل 06, 2008 3:11 am

مش عارفة هو ليه معظم اللى فى المنتدى مضطهد المراة
بس اعتقد ان الرجالة برضه عندهم احلام(فتاة احلامه وشقة وحد يسمعله)
ولا عايزيين تفهمونى ان الولد برضه مابيفضلش يكلم على خلق ربنا ومابيقعدش يقول البت دى بتهوس
اصلها طبيعة الانسان سواء بقى بنت ولا راجل

من طرف زائر الأحد أبريل 06, 2008 4:21 am

والله عندك حق يا بنتى انا مش عارف ايه العنصريه ده
هههههههههههههههههه
بس كلام جميل
شكرا على المجهود

كلام بنات

كلام بنات

رد: كلام بنات

رد: كلام بنات

رد: كلام بنات

رد: كلام بنات