لو مجروح وعايز تنسى

--------------------------------------------------------------------------------

كام مره بنحب ؟ كام مره بنتمنى اننا الى بنحبه يكون لينا ؟ اسئله لو فكرت فيها هتلاقى اجابتها مش موجوده اصلا كلنا مش ضامنين اننا نكمل اليوم الى عايشينه بننزل الصبح واحنا بنقول توكلنا على الله كل مانوعد نقول ان شاء الله ده كله دليل انك انسان معنى انسان انك ضعيف انك مهما تكون برده ضعيف لو كنت قوى كنت هتعرف اذا كنت هترجع بيتك فى اليوم الى هتخرج فيه ولا لا ....... اسف خرجتو عن الموضوع وكل الى عايز اقوله هو ..........
حصلت الصدفه فى يوم وقابلنا الانسان الى من يدوبك بصتله وبصلى حبيته وحبنى مرت الايام وعايز تبينله حبك حصل وحبك اعترفتو بحب بعض عشت معاه سنه سنتين ثلاثه فى احلى قصه حب فيها ايام جميله وايام وحشه اتخانقتو واتصالحتو بتنامو على صوت بعض خلاص بقى فى دماغ كل واحد انه هيكون ملك التانى ويحصل الى مكتوب والاختلاف والانفصال كل واحد يقول التانى خان التانى خدع التانى غدر يعدى ايام وشهور فى جرح والم تعدى السنين تبدا الضحكه تظهر ويبدا الابتسامه تملى الوش تحصل صدفه تانيه ويحب يكون حاطط فى دماغه الاول بس الى يحصل انه بيقارن ويقول فى عقله انا لو كنت لسه مرتبط بالانسان الاول وقابلت الانسان التانى ده كنت هعمل ايه ده انا حبيت التانى اكثر من الاول ؟ كنت هسيب الاول واروح للتانى؟ كانو الاثنين هيسبونى الى روحتله كان هيقول زى ماباع هيبعنى والتانى هيقول الى باع مره هيبيع تانى تصور اننا بنقول كده واحنا مش واخدين بالنا وبنقوله فى الانسان الجديد الى حبناه لانك لو شفت اصلا الانسان الاول مش هيتهز فيك حاجه لانك حبيت تانى بجد المشكله اننا بنسمع كلام عقلنا الباطل الى بيقولنا علشان انسى اتجوز او ارتبط باانسان تانى بس المشكله انك بتجوز او بترتبط بمشاعر مش حقيقه وهميه بتوهم بيها نفسك كلمه حبيبى وكلمه حبيبتى بتطلع من بقك مش من قلبك لو قارنت هتختار الانسان الاول برده رغم انه فى دماغك انه غدر وخان ولو فكرت لحظه بس فى كلامى هتلاقى ان ربنا بيحبك اوى لانه مش عايزك تتحط موضع الخاين والبايع ربنا بيحبك بيعدك عن واحد ويقربك من التانى لانه شايف ان التانى انسبلك التانى الى هتحبه بجد يبقى الى محصلش نصيب بينه وبين الى بيحبه ميقلش ده خان يقول الحمد لله يمكن ربنا مش كاتبهالى يقول الحمد لله ويدعلها وتدعيله انهم ربنا يوفقهم فى حياتهم ويقابل الى يحبه بجد !!!!!!!!

من غير ما اقرى الموضوع انا لو مجروحه علشان انسى لازم اجرح

شكرا على الرد

عندك حق وربنا يسامح الكل

فواكس جرحنى مش حبنى وانا لو عايزه انساه جرحه لازم اديله نفس الطعنه اللى انا اخدتها رد كرامه هو مفيش حاجه زى دى فى الحب بس انا لما بتجرح اووووووى لازم اجرح اووووووى