فتاه سعوديه عمرها 14 سنه

من طرف **hanoda** الجمعة فبراير 29, 2008 12:26 am

يمكن عنوان الموضوع مش جذاب قوى
بس انا مش عارفه اقول ايه بجد
القصه دى قريتها واتاثرت بيها جدا
واى حد مسلم هايتاثر بيها
القصه دى حقيقيه وحصلت فى السعوديه

الحكايه دى لواحده اسمها افنان
عمرها 14 سنه
اسلم على ايديها كتير

مامتها بتقول : لما كنت حامل ببنتى افنان
باباها شاف فى منامه عصافير صغيره بتطير فى السماء
ومن بينهم حمامه بيضه جميله جدا
طارت بعيد قوى وطلعت لسما

فسالته : ايه تفسيرك للمنام ده؟؟
قالها: ان العصافير دول ولادك .. وانك هاتولدى بنت تقيه

بس هى ماحولتش تفسر الرؤيا دى تانى
وبعديها خلفت افنان
وكانت فعلا من صغرها تقيه

كانت مابترضاش تلبس بناطيل ولا قصير زى اطفال اليومين دول
وترفض الكلام ده من وهى صغيره

ولما بقت فى سنه رابعه ابتدائى
بعدت عن كل حاجه بتغضب ربنا
مابقيتش تروح الملاهى ولا الافراح
وكانت متعلقه بدينها جدا وبتغير عليه ومحافظه على صلاتها وعلى السنن كمان

ولما بقت فى اعدادى بدات رحلتها فى الدعوه
ازا شافت منكر انكرته وتحافظ على حجابها وهو مش واجب لسه عليها لانها صغيره

كانت اول واحده اسلمت على ايديها الخدامه بتاعتهم
لما خلفت مامتها عبد الله
كانت محتاجه لخدامه عشان تعتنى بعبد الله وهى مش موجوده
لانها كانت موظفه
وكانت الخدامه نصرانيه
ولما عرفت افنان انها مش مسلمه زعلت جدا
وراحت لمامتها غضبانه
وتقولها ياماما ازاى دى تلمس هدومنا وتغسل حللنا وترعى اخويا وهى كافره
انا مستعده اسيب مدرستى واخدمكم اربعه وعشرين ساعه
بس ماتخدمناش كافره

بس طبعا مامتها مااهتمتش بكلامها لانها كانت محتاجه الخدامه جدا
وبعد شهرين الخدامه راحتلها وهى فرحانه جدا
وتقولها خلاص افنان علمتنى الاسلام وانا اشهد ان الا اله الا الله وان محمد رسول الله
وفرحت جدا للخبر ده

وبعد جواز عمها بفتره حست افنان بوجع فى رجلها
بس ماكنتش قايله لح وتقول اهو وجع وهايروح

وبعد شهرين بقت بتعرج
ولما سالناها
قالت ده الم بسيط وهايروح
وبعد شهرين بقت مش قادره تمشى خالص

اخدناها للمستشفى وعملولها الفحوصات

وكان معانه فى القوضه دكتور تركى ومترجم وممرضه مش مسلمه

وبعدين الدكتور قالنا
عندها سرطان فى رجلها
وانها هاتاخد 3 ابر كيماوى
وشعرها وحواجبها هايقعو

اتصعقنا لما سمعنا الخبر ده
وعيطنا جامد

بس افنان كانت فرحانه جدا وبتقول
الحمد لله .. الحمد لله .. الحمد لله

اخدتها فى حضنى وانا بعيط واقولها مالك يابنتى
قالتلى ياماما الحمد لله ان المصيبه جت فيا وماجتش فى دينا
وقعدت تحمد ربنا بصوت عالى والكل بيبصلها باستغراب

استصغرت نفسى ساعتها لما شوفت بنتقى ايمانها اقوى من ايمانى

وكل اللى كان معانه اتاثر بالموقف
واستغرب من قوه ايمانها
وساعتها اسلم الطبيب والمترجم والممرضه
لما شافوا ايمانها القوى

قبل ماتبتدى ايمان جلسات الكيماوى
طلب عمها منها ان يجيبلها كوافير
عشان تقص شعرها قبل مايقع من العلاج

اعترضت وحاولت اقنعها بس مافيش فايده
وتقولنا مش عايزه اتحرم من اجر كل شعره تقع من راسى

وبعين سافرت انا وافنان وباباها لامريكا عشان تبتدى علاجها
ولما وصلنا هناك قابلتنا دكتوره امريكيه
كانت شغاله فى السعوديه من 15 سنه
ولما شافتها افنان سالتها انتى مسلمه؟؟ فقالت لها لا
اخدتها افنان فى قوضه وقعدت تكلمها عن الاسلام وتدعوها اليه
وبعديها بشويه
جت الدكتوره وعنيها مليانه دموع
وقالتلى انا من 15 سنه فى السعوديه
وماحدش دعاها للاسلام وتيجى بنت صغيره زى دى تخلينى اسلم

وفى امريكا قالولنا ان الحل الوحيد لعلاجها
انهم يبترو رجليها
عشان السرطان مايوصلش للرئتين وتموت

بس افنان ماخافتش من البتر بس كانت خايفه على مشاعر اهلها
وفى يوم كانت بتشيت مع صاحبتها رانيا
وبتسالها
ايه رايك اخليهم يبترو رجلى؟؟؟
حاولت رانيا تطمنها وتقولها انهم هايحوطلها رجل بديله
فجاوبت عليها
انا مش همانى رجلى بس كان نفسى اتحط فى القبر وانا كامله (قاصدها كامله الايمان)
بتقول رانيا بعد اجابه افنان
حسيت انى صغيره قدامها وما افقهش فى اى حاجه
وتفكيرى كله بانها بعد كده هاتعيش ازاى
بس هى تفكيرها كان احسن فبتفكر ازاى هاتموت

وبعدين رجعو الرياض بعد ما اتبترت رجلها
بس المفاجاه ان السرطان وصل للرئتين

وكانت حالتها ميؤس منها
لدرجت انهم حطوها فى سرير جمبو زرار
بمجرد انها تضغط عليه تنزلها ابره مخدره وابره مغذيه

وفى المستشفى كان صوت الاذان مش بيتسمع
لان ماكنش موجود جوامع قريبه
وهى كانت فى شبه غيبوبه
وبمجرد دخول وقت الصلا تصحى من الغيبوبه
وتطلب ميه وتتوضى وتصلى من غير ماحد يصحيها

قالولنا الدكاتره ان مافيش فايده من وجودها فى المستشفى
فكلها كام يوم وهاتموت

وفى يوم جت مرات عمها عشان تزورها
قولتلها انها نايمه فى القوضه
ولما دخلت القوضه صعقت فقفلت الباب
خفت يكون حصل حاجه لافنان
قومت بسرعه ليها
ولما فتحت الباب اتفاجئت
كان النور مطفى ووش افنان منور وسط الضلام
ولما شافتنى ابتسمت
فقالت ياماما تعالى هاقولك على رؤيا شوفتها
قالت انها شافت نفسها عروسه ولابسه فستان ابيض كبير
وان اهلها ومامتها كلهم كانو حواليها
كلهم كانو فرحانين عشان اتجوزت الا انت

سالتها وايه تفسيرك للرؤيه دى؟؟
قالت اتوقع انى هاموت وكلهم هاينسونى وهايعيشو حياتهم فرحانين
الا انت ياماما هاتفتكرينى علطول وهازعلى على فراقى

وفعلا كلامها صح
ده كلام مامتها
انها وهى بتحكى حكايه بنتها
حاسه بفراقها جدا وكل مابتفتكرها بتزعل

وفى يوم من الايام
كانت قاعده جمب افنان
وكانت افنان نايمه على السرير

فصحيت وقالتلى تعالى ياماما عايزه ابوسك
فباستها وقالتلها ادينى خدك التانى
فقربت منها فباسته

وبعدين اتعدلت للقبله وقالت اشهد الا اله الا الله عشر مرات
وبعدين قالت اشهد الا اله الا الله وان محمد رسول الله
وطلعت روحها للخلقها

وبعد ماماتت كانت ريحه القوضه اللى ماتت فيها ريحه مسك
فضلت اربع تيام
واهلى خافو على نفسيتى
فنضفو القوضه عشان ما احسش ان ريحه افنان

وانتهت حكايه افنان
بس ياترى احنا امتى هاننتهى
وياترى ازاى هاننتهى
يارب احسن خاتمتنا
وياريت ياجماعه تدعولها بجنه الفردوس
وتدعولنا بالهدايه

من طرف **DieSel** الأحد مارس 02, 2008 8:17 pm

سبحان الله فى جنات الخلد ان شاء الله يا افنان
يا رب ......
مش عارف اقول ايه غير انى اعيط
مشكووووووووووور هنودا

من طرف زائر السبت مارس 15, 2008 7:44 pm

يارب احسن خاتمتنا جميعا ياااااااارب ..وارحم موتانا وموتى المسلمين

من طرف زائر السبت مارس 15, 2008 8:21 pm

مش عارف اقول ايه مشكور على المجهود

من طرف زائر الثلاثاء أبريل 08, 2008 10:44 am

مشكوره يا هنودا على الموضوع العظيم
يارب اجعلنا نفعل ما تحب ان نكون عليه يوم العرض عليك

من طرف **hanoda** الثلاثاء أبريل 08, 2008 1:20 pm

يارب امين
وشكرا على المرور

من طرف زائر الأربعاء أبريل 09, 2008 11:14 am

اميييييييييييييين يارب

من طرف زائر الأحد أبريل 13, 2008 4:55 pm

امين يا رب بجد مؤثر جدا يارب ارحمنا جميعا يارب

من طرف زائر الإثنين يونيو 16, 2008 5:27 pm

تسلملنا يدك على المجهود

من طرف **hanoda** السبت يونيو 28, 2008 4:30 pm

شكرا على المرور

من طرف rony.sasa الخميس سبتمبر 18, 2008 8:05 pm

لا إله الا الله ربنا يرحمنا ويدخلنا جنته
مشكورة ياهنودة على الموضوع الجامد المؤثر دة

فتاه سعوديه عمرها 14 سنه

فتاه سعوديه عمرها 14 سنه

رد: فتاه سعوديه عمرها 14 سنه

رد: فتاه سعوديه عمرها 14 سنه

رد: فتاه سعوديه عمرها 14 سنه

رد: فتاه سعوديه عمرها 14 سنه

رد: فتاه سعوديه عمرها 14 سنه

رد: فتاه سعوديه عمرها 14 سنه

رد: فتاه سعوديه عمرها 14 سنه

رد: فتاه سعوديه عمرها 14 سنه

رد: فتاه سعوديه عمرها 14 سنه

رد: فتاه سعوديه عمرها 14 سنه