رساله على لسان كتاب..(الجزء التالت)..

من طرف **hanoda** الثلاثاء فبراير 05, 2008 2:11 pm

وفى اواخر صفحاتى هاتشوفو نهايت قصتى
ويارب حد يستفيد مها

وصلنا انهم زعلو جدا لما خالد مات لانهم ماصدقو انهم لاقوه يقوم يضيع تانى منهم
ومرت الشهور والسنين
اخت خالد فاطمه اتجوزت وجابت طفلين ولد وبنت
وسمت الولد خالد
ويوسف هيتجوز بعد كام شهر
وفى يوم من الايام
كان يوم جمعه
يوسف اقترح على باباه انهم يروحوا ويصلو الجمعه فى جامع النور
لان فى شيخ جديد فى الجامع ده والناس بتقول ان خطبه جميله بتدخل القلب علطول
بس ماحدش يعرف عنه حاجه واضح انه غريب فى البلد
وافق الاب وراحو فعلا المسجد وسمعوا الخطبه وصلوا
فى ناس فضلت اعدا فى المسجد بعد الصلا عشان يستفسروا منه على امور دينيه ودونيويه
وكان من الموجودين يوسف ابو خالد
وفجاه واحد سال الشيخ هو منين وازاى بقى شيخ من الاخر( قولنا قصه حياتك )
ابتسم الشيخ ابى يوسف
وقال انا بدايت حياتى كنت فيها مدمن سيبت اهلى عشان اعرف اتعاطه
كنت بسرق عشان اجيب الفلوس
لغايه مافى يوم قابلى واحد ابن حلال ودانى المصحه وعالجنى
وبعدين كان فى مخيم انا روحته
ومن هوياتى المفضله صيد الغزلان
وفى اليوم اللى انفجرت الانبوبه فى المخيم
كنت انا ومحمد واحمد بنصطاد غزلان
مشينا كتير لغايه ماتهنا
الميه قربت تخلص والبنزين كمان
يعنى اتحبسنا فى الصحرا دى
لا عارفين نطلع قدام ولا نرجع ورا
الليل ليل علينا واحنا فى العربيه
احمد ساعتها كان عايز يروح الحمام
وخلاص كان على اخرو
قولنالو ياعم استحمل لغايه ما النهار يطلع علينا
بس هو ماكنش قادر
فنزل من العربيه عشان ربنا يسهلهالو
ماشوفنهوش من بعدها
كل اللى سمعناه ساعتها ساعدونى انا بموت ساعدونى
ولما بصينا لاقينا الديابه خلصت عليه
ومات احمد وفضلت انا ومحمد
خوفنا قوى وصلينا صلاه الخوف ودعينا ربنا انه ينجدنا
وبعديها نمنا
ماصحيتش الا على صوت محمد وهو بيبقول انا عطشان عايز ميه
وانا اقوله استحمل اكيد حد هاييجى ويساعدنا
وهو مابيقولش غير عطشان
حسيت ساعتها انه بيموت
اعدت القنو الشهاده ومات
مات وهو بيقول لا اله الا الله محمد رسول الله
دلوقتى اصحابى الاتنين ماتو
سالت نفسى هاتفضل انت كمان فى العربيه لغايه ماتموت
روحت خرجت ومشيت فى الصحرا والجو كان حر جدا
وانا كنت جعان وعطشان وتعبان
ومره واحده اغمى عليا
ولولا الله ثم البدو اللى مرو عليا كنت مت
ناس من البدو شافونى فاخدونى عندهم
فوقونى وشربونى وريحونى خالص
وبعدها باسبوع شيخ القبيله جوزنى ابنته وجبت منها ابن اسمه يوسف
وهو اللى درسنى امور دينى وخلانى شيخ
فى الوقت ده ابو خالد عيط جامد لدرجه ان كل اللى موجودين بصوا عليه
فساله الشيخ ابو يوسف مالك ياعم
قالوا حكايتك شبه حكايت ابنى الله يرحمو
واخد يحكى حكايه خالد
ساعتها ابو يوسف عيط
وقاله انا خالد يابا
وانتو عارفين اللى هايحصل بعد كده
حضن وبوس وعزايم وعيال تصدع دماغهم

وتوته توته فرغت الحدوته
حلوه ولا ملتوته

يارب تستفادو منها اى حاجه