رساله على لسان كتاب..(الجزء التانى)..

من طرف **hanoda** الإثنين فبراير 04, 2008 1:52 am

جيت النهارده اكملكو الحكايه ويارب تعجبكم

وصلنا فى الاخر انهم دورو عليه فى كل مكان
عند اصحابه وفى الاقسام والمستشفيات ماسابوش حته الا مادورو فيها
بس مافيش فايده
فقدوا الامل طبعا واعتبروه مات
وعدت الايام والليالى
وفى يوم من الايام كان يوسف اخو خالد رايح المدرسه الثانويه
شاف واحد عند باب المدرسه شبه اخوه خالد
قرب منه اكتر وهو قلبو بيدق
لاقاه هوه فعلا
جرى على البيت يابابا خالد عند المدرسه
الاب ماصدقش قام بسرعه مع يوسف وجريوا لغايه ماوصلو للمدرسه
ولما الاب شاف ابنه ماصدقش
ده اتغير خالص وكان هزيل وضعيف جدا
كان مسمار عشره زى مابيقولوا
مسك الاب ايده عشان يروحه معاه
ده طبعا بعض الحضن الكبير اللى حضنهوله
بس خالد كان تعبان وتقريبا غايب عن الوعى
ومايعرفش مين الاخ اللى بيحضن ويبوس فيه
المهم راح البيت ودخل على السرير ونام كتير
ولما صحى وبص حواليه حس انه شاف المكان ده
ومره واحده قوضته اتزحمت مامته وباباه واخواته
وبص كده وافتكر كل حاجه
وطبعا بقى زى المجنون ساعتها
معاد المخدرات اللى بيتعاطاه جه
طبعا اهله فهموا تقريبا كل حاجه
فاخدوه على المصحه عشان يتعالج من الادمان
وفعلا حوالى سنه الا شويه وكان كويس جدا
واتعالج من الادمان
ولما اتعالج حكالهم هو ادمن ازاى وامتى وايه اللى حصله
ووعد باباه انه مش هايدمن تانى بسبب العذاب اللى شافه
وان كل اللى فات من حياته صفحه سوده وقلبها خالص
ورجع تانى خالد للجامعه بتاعته وبقى بيزاكر والتزم فى صلاته وعرف ربنا
وكان فى معسكر لمده 30 يوم
كان خالد عايز يروحه
وبعد الحاح كتير على باباه وافق انه يروح
لانه كان خايف عليه ليرجع للادمان لانه هايبقى بعيد عن عينه
وكمان قلبه ماكنش مطمن للسفريه دى
وراح خالد المعسكر
وبعدها باسبوع اتنشر خبر فى الجرايد
ان المعسكر ده اتفجر بسبب انبوبه غاز
طبعا باباه ماباقاش مصدق
وراح للى نشر الخبر والراجل اكدله ان الكلام صح
وان كل الطلاب اللى كانوا هناك ماتو
يعنى خالد مات خلاص
الاهل ادايقوا لانهم اتحرموا منه كل المده دى ولما يلاقوه يتحرموا منه تانى

يارب النص التانى يعجبكو
الجزء التالت والخير قريب هاكتبهلكم
alien