رساله على لسان كتاب ..(الجزء الاول)..

من طرف **hanoda** الأحد فبراير 03, 2008 3:31 pm

هنا بين صفحاتى ساقرا عليكم قصه لعل احد يستفيد منها

خالد شاب بلغ من العمر 18 سنه يعيش فى قريه مع اهله
قرر باباه الذهاب للمدينه المجاوره عشان يكمل خالد دراسته فى الجامعه
وكان عنده بنت وولد غير خالد واصغر منه
وخالد كان مجتهد فى دراسته مابيعملش حاجه فى حياته غير المذاكره ويروح الجامعه والمسجد
وفى يوم وهو راجع للبيت من عند صاحبه شاف شابين شكلهم غريب
ولانه كان فضولى جدا وعنده حب استطلاع
مشى وراهم عشان يعرف هما رايحين فين
دخلو مكان ضلمه جدا وممكن يكون مهجور وفى اخر الطريق بيت منور
سامع منه اصوات وضحك وغنا
ودخل الشابان فدخل وراهم عشان يعرف ايه اللى جوه المكان ده
فبص بصه عامه على المكان وكان اول مره يشوف حاجه زى دى
وبينما هو متعمق فى التفكير فى المكان الغريب
سمع صوت من وراه بينده عليه
فبصله فساله الراجل: انت جديد فى المكان ده؟؟؟؟
فكانت الاجابه اه
فضحك الرجل و ناد على واحد من اللى شغالين عنده وقاله يجيب هديه الزبون اللى بييجى اول مره
فجابله الصندوق فلما فتحه لقى فيه منديل
وضحك الرجل وقال لخالد شمه ده ريحته جميله جدا
ولان خالد كان فضولى شمه مع انه ماكانش مرتاح وكانت بدايه الادمان وما حسش بنفسه الا عند صلاه الفجر
ولما صحى على صوت الاذان اعد يصحى اللى حوليه عشان يصلوا الفجر
ولكن لاحياه لمن تنادى
راح وصلى الفجر ورجع للبيت
ولما بباه ساله كنت فين ياخالد؟؟؟
كدب عليه وقاله كنت بزاكر مع عبد الله وروحت فى النوم
وفضل خالد على الحال ده كتير كل يوم يروح المكان ده
وخلاص بقى مدمن ومحتاج فلوس
وفى يوم كان باباه مسافر وهو كان وصل لدرجه ادمان صعبه ومحتاج فلوس
طلب من مامته فلوس بس هى رفضت
فضربها واخد الدهب اللى هى لابساه كله وكل الفلوس ومشى
ولما رجع باباه من السفر اتفاجئ باللى عمله خالد
لان خالد مؤدب جدا وعومره مايعمل كده
بس خالد طفش من البيت وماحدش يعرف عنه حاجه
ودورو عليه كتير جدا بس مافيش فايده

يارب يعجبكم الجزء الاول واستنوا الجزء التانى
قريبا فى الاسواق